Роспотребнадзор увертара
Штрафым пуымо, ситыдымашым кораҥдыме
Марий Элысе Роспотребнадзор виктемын пашаеҥже-влак У Торъял районысо «Икымше май» колхозыш тергымаш дене лектын коштыныт да икмыняр ситыдымашым муыныт.
Чӱксола водозабор воктеке тӱрлӧ шӱкшакым, кошкышо кушкыл укшым кышкыме, тиде кумдыкышто тыгак тӱрлӧ вондер шарлен кушкеш. Чӱксола, Кугу Шӱвылак да Семисола яллаште колонко-влак шот дене пашам огыт ыште: мланде ӱмбалнысе вӱд йоген каен огеш керт, калык йӱшаш вӱдым резинке шланг полшымо дене налеш, тидлан кӧра сооружений эре гаяк ночко шога.
Озанлыкым вуйлатышылан лу да кок тӱжем теҥге кугыт штрафым пуымо. Тӧрсырым тунамак кораҥдыме.
М.ИВАНОВА.
