Марий Эл ЦИК председатель Ирина Татаринован палемдымыж почеш, сайлымаш кечын Рӱдӧ сайлымаш комиссийыш 7 вуйшиймаш пурен. Нуно КПРФ партий да кандидат Грудинин деч эскерыше-влак деч лийыныт. Нуно чыланат участковый избирательный комиссий-влакын пашашт дене кылдалтыныт. 20 шагат жаплан 5 вуйшиймаш шотышто вашмутым пуэныт, кодшо кокытшо тергалтыныт.
Л.Камалетдинова.
