«Рӱдӧ да Юл кундем» ПАО-н «Мариэнерго» филиалже электроэнергийым пуымо услугыжлан дебитор парымым пӧртылтымӧ пашам шуктенак шога.
Россий Федераций Административный правам пудыртымо нерген кодексын 14.61-ше статьяж дене келшышын, энергетик-шамыч Экологический, технологический да атомный надзор шотышто федеральный службын Юл кундемысе виктемышкыже парыман организаций ден организаций вуйлатыше-влак шотышто административный производствым тӱҥалме да нуным административно мут кучаш шогалтыме нерген серышлам колтат.
«Рӱдӧ да Юл кундем Россеть Мариэнергон» пашаеҥже, Россий Суд пристав-влакын федеральный службыштын Марий Элысе виктемжын суд пристав-исполнительже-шамычын системный пашам пырля шуктымышт дене 2021 ий кандаш тылзе жапыште парыман-влак деч 4,5 млн. теҥгем пӧртылтымӧ.
Судын решенийже-влак закон почеш вийыш пуреныт гынат, потребитель-шамычын ужашышт энергетик-влак ончылно улшо парымыштым эшеат огыт шӧрӧ, мӧҥгешла, тылзе гыч тылзыш кугемден веле толыт.
Таче кечылан «Рӱдӧ да Юл кундем Россеть Мариэнерго» ончылно электроэнергийым кучылтмо шотышто кугу парыманлан шотлалтыт:
- Марий Турек районысо «Вӱд канал» МУП – 9,7 млн. теҥге. Тиде суммо 1917 ий январь гыч погынен.
- Волжский районысо «Вӱд канал» МУП – 8,8 млн. теҥге. Палемдыме парымыш 2016 ий декабрь гыч пурен.
- Волжск оласе «Вӱд канал» ОАО – 7,3 млн. теҥге. Парым 2021 ий февраль гыч погынен.
- Козьмодемьянск оласе «Вӱд канал» МУП – 17,7 млн. теҥге. Тыгай сумман парымыш 2016 ий ноябрь гыч пурен.
- Морко районысо «Жилкомсервис» ООО – 11,1 млн. теҥге. Парым 2017 ий январь гыч погынен.
- «Морко ТЭС» ООО – 1,2 млн. теҥге. Тиде суммо шотлымо шым пагытыште чумырген.
«Рӱдӧ да Юл кундем Россеть» ПАО-н «Мариэнерго» филиалже организацийлам вуйлатыше-влаклан электроэнергий дене пайдаланыме шотышто парымым шӧраш темла.
А электроэнергийым шолыштмо да электросетевой комплексыште законым пудыртымо чыла фактым «Рӱдӧ да Юл кундем Россеть» ПАО-н колл-рӱдерышкыже 8-800-220-0-220 номеран телефон дене суткан кеч-могай жапыштыже чылт яра йыҥгыртен увертараш лиеш.
М.ИВАНОВА
