Кукшо игече шогымылан кӧра республикысе чодыраште тул пеш писын ылыжме лӱдыкшӧ кугу.
Тидын нерген Марий Элын Пӱртӱс поянлык, экологий да йырым-йырысе средам аралыме министерствыжын специалистше-влак шижтарат. Чылаже 34 чодыра пожар лийын да 20 гектар кумдыкышто ужар поянлыкна локтылалтын. Тулын ылыжме шотышто еҥ-влак титакан улыт. 31 пожарлан ылыжашыже лач нуно амалым ыштеныт.
Министерствын специалистше-влак эше ик гана шижтарат: чодыраште тул шотышто тӱткӧ лийман. Пожарым ужында гын, вигак министерствын диспетчер службышкыжо (8362) 56-65-35 телефон номерыш але «Чодыра оролын» вияш лийнийышкыже 8-800-100-94-00 номер дене йыҥгыртыман. Пожарный-влакын толын шумешкышт шке вий дене тулым йӧрташ тыршыман.
С.НОСОВА