Марий Элын Тазалыкым аралыме министерствыжын увертарымыж почеш, 10 май эрдене регионысо шым стационарыште пеҥгыдемдыме у коронавирус инфекциян да тудын дене черланен кертыныт манын шонымо 266 пациент эмлалтын:
Йошкар-Оласе больницыште – 152;
Йоча республиканский клинический больницыште – 5;
Звенигово районысо рӱдӧ больницыште –17;
Козьмодемьянск межрайонный больницыште – 19;
Волжск оласе рӱдӧ больницыште –22;
Марий Турек районысо рӱдӧ больницыште – 30;
Медведево районысо рӱдӧ больницыште – 21.
81 еҥ неле состоянийыште, 178 пациентын тазалыкшым врач-влак «нелылыкын кокла йыжыҥже» семын аклат, шымытыным – «нелылыкын куштылго йыжыҥже» семын. Вич пациент шодым искусственно вентилироватлыме йӧн дене шӱла, 104 черлылан кислород кӱлеш.
«Стопкоронавирус.рф» сайтын 10 майысе данныйже почеш, пандемий тӱҥалме жап гыч таче кече марте Российыште 209 688 еҥ у коронавирус инфекций дене черланен, Марий Элыште – 903 граждан. Чаманен палемдыман, таче кече марте республикыштына шучко чер деч вич еҥ колен.
М.ИВАНОВА
