Март тӱҥалтыште Финн-угор калык-влакын молодёжный ассоциацийышт ден Урал кундемысе калык-влакын рӱдерышт 2021 ийлан Финн-угор тӱнян тӱвыра рӱдывержылан конкурсым увертареныт. Рӱдыверым 19 июньышто эртышашлык Финн-угор калык-влакын тӱнямбал конгрессыштышт ойырат.
Конкрсыш йодмашым финн-угор элл ден регионласе ял, села да ола-влак пуэн кертыт. Кугыжаныш-влакын рудолашт тышке ушнен огыт керт. Йодмаш дене кылдалтше материалым www.uralic.org/proekty/capitals/downloads сайтыште муаш лиеш. Лекше йодышым «Культурная столица финн-угорского мира» программын координаторжо Василий Петров дене рашемдаш лиеш. Электрон почытыжо тыгай: vassili.petrov@mail.ru; телефонжо — +7 905 008 7022. Конкурсым эртараш Эстонийын родо-тукым калык-влакын программыштат полша. Йодмашым пуымо пытартыш кече 30 апрельыште лиеш. Каласен кодыман, тений финн-угор тӱнян рӱдывержылан Пошкырт кундемысе Мишкан села шотлалтеш. Сандене Башкортостан вес ийысе ты конкурсыш ушнен огеш керт.
С.НОСОВА
