Кодшо рушарнян Йошкар-Оласе Кремльыште телым ужатыме да Ӱярнялан пӧлеклалтше ялозанлык ярмиҥга эртен.
Ончысо семынак республикыште сатум ыштен налше-влак кочкыш сатуштым конденыт ыле. Тыште ушкал ден сӧсна, чыве, кӱрка шылым, шӧрым да шӧр продуктым, чыве ден пулдырчо муным, мӱйым, мӱкшын пуымо моло продукцийым, кондитер да кинде сатум, пакчасаска ден фруктым, чодыра поянлыкым, кидмастар-влакын ямдылыме сувенирыштым налаш лийын. Ярмиҥгаште руш тӱвыра рӱдер чапле концертым ончыктен. «Юл корно» пужен ыштыме историй клуб Изи Какшан воктене Чарлалан негызым пыштыме ХV-ХVII курымысо саркурал дене модын ончыктен. Пайрем мучаште руш йӱла почеш Ӱярня чучылым йӱлалтеныт.
Вес ярмиҥга 21 мартыште Кремльыште лиеш. Тудо Курыкмарий районын кечыжлан пєлеклалтеш.
В.СМОЛЕНЦЕВ
