СОЦИАЛЬНЫЙ ИЛЫШ

Конкурс. Эн сай акушер

Конкурс

Эн сай акушер

«СОГАЗ- Мед» страховой компаний» акционер обществын Марий филиалже «Эн сай врач-акушер-гинеколог. Эн сай акушерке» конкурсым эртарен.

Тений апрельыште Перинатальный рӱдерын кумылан чыла пашаеҥже профессионализмжым, келге шинчымашыжым, личностьшын качествыжым аклаш темлен, тыгодымак конкурсышто шкем тергыше йолташыжлан йӱкым (отзывым) пуэн кертын.

Жюрилан 300 утла возымым иктешлаш да ты чот гыч эн сай специалистым ойырен налаш логалын.

5 майыште Перинатальный рӱдерыште Акушерын тӱнямбал кечыже эртен, тудын кышкарыштыже конкурсышто сеҥыше-влакым торжественно саламленыт.

«Эн сай врач-акушер-гинеколог» номинацийыште икымше верым акушерский обсервационный отделенийым вуйлатыше Александр Ефремовлан пуымо, кокымшым – азам ыштыме 1-ше №-ан отделенийым вуйлатыше Александр Чепайкинлан, кумшым – акушерский физиологический отделенийын акушер-гинекологшо Марианна Аноховалан.

«Эн сай акушерке» номинацийыште икымше верым акушерский физиологический отделенийын акушеркыже Фаина Сунгурова налын, кокымшым – азам ыштыме 2-шо №-ан отделенийын акушеркыже Татьяна Тимофеева, кумшым – акушерский обсервационный отделенийын акушеркыже Ирина Конакова.

М.ИВАНОВА.

Опубликовать в Одноклассники

Добавить комментарий