ЯЛ ИЛЫШ

Тургымлан ончылгоч ямдылалтыт

У Торъял районысо «Первый май» колхозышто техникым идалык мучко ачалат.

Колхозын техникым ачалыме рӱдӧ мастерскойжо У Торъял посёлкышто верланен. Тыште ончыч райсельхозтехникын техникыжым ачаленыт. Тиде предприятий панкрутыш лекмеке, «Первый май» колхоз тудым шкаланже налын да тыште техникым ачалаш тӱҥалын. Тыште олмыкташ келшыше чыла йӧн уло. Тракторым, машинам, нур пашаште кучылтмо агрегатым цехыш пуртат да тудым тыште озашт идалык мучко тыршыше специалист-влак, токарь, сварщик, слесарь-шамыч дене пырля ачалат.

— Пашана ик жапланат, ик кечыланат ок лыплане, — каласкала мастерской вуйлатыше А.Ведерников. – Шапаш ужашым йодмо почеш ончылгоч кондаш тыршена. Пасу паша пытымеке, тӱганыше техникым тышке кондат да ме вигак ачалаш пижына. Мастерской кєргыштє кызыт тракторат, машинат улыт. Вара черет мландым пушкыдемдыше агрегат-влаклан шуэш. Нунымат шотыш кондыман, шошо агалан ончылгоч ямдылен шуктыман, вет ӱшанле технике дене веле пашам шот дене да писын ышташ лиеш. 

В.СМОЛЕНЦЕВ

Авторын фотожо

Опубликовать в Одноклассники

Добавить комментарий