Советский районышто верланыше Г.Алиев лӱмеш «Келшымаш памашым» Марий Элыште илыше азербайджан-влак тӱзатыме нерген газетыштна икмыняр гана возенна ыле. Жапын-жапын кумдыкшым эрыкташат миен коштыт. А теве кодшо кечылаште тушто памаш воктеке «Келшымаш олымбалым» вераҥденыт. Ынде вӱдым налын, тушко каналташ шинчашат лиеш. Олымбалым Йошкар-Оласе «Зарубин 39» ТОС-ын чолга еҥже-влак конден шынденыт. Тудым ты пӧртышто илыше кидмастар Эдуард Гармес ыштен.
Снимкыште: «Чыла кечанан республик-шамычлан кугу салам!» — ойлат олымбалым кондышо-шамыч.
С.НОСОВА
Фотом социальный сеть гыч налме.
