Йошкар-Олаште Регионысо вӱргорно рӱдерын «Шӱм-вӱргорно черым эмлыме кызытсе йӧн-влак. Сеҥымаш ден ончыкылык паша-шамыч» регион-влак кокласе VI научно-практический конференцийже эртен.
Йошкар-Оласе больницын конференц-залышкыже республикысе кардиолог, терапевт, невролог, тӱшка практике врач-шамыч погыненыт.
Конференцийым эмлымверын тӱҥ врачше А.Нагибин почын. Тудо «Здравоохранение» национальный проект кышкарыште илышыш пурташ палемдыме проект-влак дене палдарен.
Стенокардий дене орланыше пациент-влакын тазалыкыштым саемдаш лийме йӧн-шамыч нерген Казань кугыжаныш медицине университетын кӧргӧ черын пропедевтикыже кафедржым вуйлатыше Н.Хасанов докладым ыштен. Тиде тунемме тӧнежынак кӧргӧ чер кафедржын доцентше, Казань олан тӱҥ внештатный кардиологшо З.Кимын вӱргорно программым «верлаште» шыҥдарыме тӱҥ нелылык да айдемын илышыжым арален кодаш лийме шотышто выступленийже поснак оҥай лийын. Конференцийын участникше-влак тыгак шӱм-вӱргорно ситыдымашан черле-влакым эмлыме , инсульт деч вара мультидисциплинарный реабилитацийым эртарыме да моло йодышым лончыленыт.
М.ИВАНОВА
