Кодшо кечылаште Марий Элын Рӱдӧ сайлымаш комиссийже территориальный избирательный комиссий-влакын председательышт, нунын алмаштышышт, секретарьышт, тыгак системный администратор-влак дене семинар-совещанийым эртарен. Тудо сайлымаш кечылан пӧлеклалтын.
Марий Элын ЦИК председательже Ирина Татаринова сайлымашлан ямдылалтме да тудым эртарыме шотышто тӱҥ задаче-влак нерген ойлен.
Семинарыште тыгак шымше созыв Кугыжаныш Погынын депутатышкыже кандидат-влакым темлыме радам да жап, нунын пуымо документыштым приниматлыме да тергыме, икмыняр моло нерген лекцийым лудыныт, презентацийым ончыктеныт, практический занятийымат эртареныт.
Л.Камалетдинова