Бауман лицей 2025-2026 тунемме идалыклан 10-шо медиа-классыш тунемше-влакым пога.
Ушештарена, медиа профилян классыште медиажурналистике, фотожурналистике, социальный кыллаште медиакоммуникаций, тележурналистике сфер-влаклан ончыкылык специалист-влакым ямдылат.
Тунемаш пураш кумылан-влаклан палаштышт: аттестатыште «кумытан» отметке лийшаш огыл, руш йылме дене вступительный тестым сайын ыштыман, портфолиом аралыман, тыгак тунемшын мотиваций серышыже лийшаш.
Эн ончычак индивидуальный отбор лиеш. Тудо тений 21 июньышто 10.00 шагатлан Бауман лицейыште эрта. Тунемаш пурымо нерген сайынрак 38-60-61 телефон дене пален налаш лиеш. Тыгак йодышым лицейын директоржын алмаштышыже Ольга Александровна Гусевалан o.guseva@my18.ru электрон адрес дене колтен кертыда.
Г.Кожевникова
