ЛӰМГЕЧЕ УВЕР ЙОГЫН ФИНН-УГОР ТӰНЯ

Яжожым налӹн, пакыла виктӓрӓш

Яжожым налӹн, пакыла виктӓрӓш

Кугыжаныш да мер деятель, философий науко кандидат Николай Никандрович Гавриловлан – 75 ий

Шукерте гына огыл Николай Никандрович дене пачерыштыже 70 ияш лӱмгечыж вашеш мутланен шинчышна. Жап йорта да йорта – вич ият эртыш. Ты гана редакцийыштына мутым вашталташ келшыш. Тугаяк чатка, весела, порын шыргыжше, кумылын мутланыше да чулымын тарванылше.

Шке жапыштыже шочмо кундем, верысе калык гыч ушан-шотан, пайдам конден кертше еҥым вуйлатышылан туныктен, куштен шогымо пашам кугыжаныш ик эн кӱлешанлан шотлен. Тыгай пагытыште тӱҥалын паша корныжо Н.Гавриловынат. Курымарий район Йыҥгы Кушыргы солаште шочын-кушшо рвезе Марий пединститутышто физмат факультетыште шинчымашым налын. «Байконур» космодромышто службым эртымыж годымак комсомол организацийын освобожденный секретарьже лийын. Николай Гавриловын лӱмжым тунам эсогыл СССР-ын стратегический назначениян ракетный войскан Чап книгашкыже пуртеныт. Институтышто физике кафедрын кугурак преподавательжылан ыштыме деч вара Николай Никандровичын паша корныжо комсомол да партий корно дене ик тошкалтыш гыч весыш кӱзен. Паша коклаштак кокымшо кӱшыл шинчымашым налын – Горькийысе кӱшыл партийный школышто тунемын.

А 1984 ийыште 37 ияшым Марий АССР-ын культур министржылан шогалтеныт. Тиде жаплан Николай Никандрович сай школым эртен шуктен. Куд ий министрлан ыштыме коклаштак (чылаже 8 ий)  тудым Финн-угор калык-влакын тӱвыраштым вияҥдыме фондын президентшылан (1990-2006 ийлаште) сайленыт. Министр да фонд президент семын тыршыме пагытше республикысе тӱвырам вияҥдыме, марий да финн-угор илышым пойдарыме шот дене ик эн тӱвыргӧ лектышан лийын.

— Николай Никандрович, Тендам министр должностьыш такше самырыкымак шогалтеныт. Вуйлатымаште тунам пример семын кӧм ужында?

С.Пехметова

УМБАКЫЖЕ  — «МАРИЙ ЭЛ» ГАЗЕТЫН ЭРЛАСЕ НОМЕРЫШТЫЖЕ

Опубликовать в Одноклассники

Добавить комментарий