Всесоюзный пионер организацийын 100 ий теммыжлан республикыштына могай мероприятий-влак лийыт – тидын нерген Марий Эл правительстве председательын икымше алмаштышыжын пашажым шуктышо М.Васютинын вуйлатымыж почеш эртыше оргкомитетын заседанийыштыже каҥашеныт.
Тушто Образований да науко, Тӱвыра, савыктыш да калык паша шотышто, Молодёжь политике, спорт да туризм министерстве-влакын, Йошкар-Ола округын администрацийыжын, «Эр вий» йоча да самырык-влакын ушемыштын да моло организацийын еҥже-влак лийыныт.
Марий пионерийын 100 ияш лӱмгечыжлан пӧлеклалтше торжественный мероприятийым 2022 ий 24 ноябрьыште Сеҥымашын 30 идалыкше лӱмеш тӱвыра полатыште эртараш палемденыт.
Г.Кожевникова
