Россий телевиденийын Икымше каналжын «Непутевые заметки» программыжым Марий Элыште войзаш тӱҥалыт манын серенна ыле.
Увертарена: программым вӱдышӧ Дмитрий Крылов войзышо командыж дене мемнан деке толын шуын. Икымше кечын нуно Йошкар-Олаште лийыныт. Марий Элын спорт да туризм министрже Лидия Батюкован палемдымыж почеш, эсогыл оператор-влак марий рӱдолан архитектуржылан ӧрыныт. Вара нуно Ежовысо Мироносицкий ӱдырамаш монастырьыш каеныт. А эрла Моско гыч уна-влак Йошкар-Олаште эртыше Пеледыш пайремыште пашам ышташ тӱҥалыт.
С.Носова
Фотом Л.Батюкован лаштыкше гыч налме
