13 гыч 19 сентябрь марте «Марий Эл» кугыжаныш куштышо ансамбль ден С.Элембаев лӱмеш «Марий кундем» калык семӱзгар кугыжаныш оркестр «Край любви моей» концерт программе дене Кузнецк, Рязань, Ярославль, Иваново, Владимир олалаште «Мы – Россия» федеральный программе кышкарыште шке мастарлыкыштым ончыктат.
Концертын программышкыже марий-влакын тӱрлӧ этнический тӱшкаштын мурышт ден куштымашышт, тыгак калык сем ден марий композитор-влакын произведенийышт пурталтыныт.
Ушештарена, «Марий Эл» кугыжаныш куштышо ансамбльлан тений 85 ий темын.
Л.Камалетдинова
