XII Чумыр Российысе Марий калык погын 2024 ийыште Йошкар-Олаше эрташ тӱҥалеш.
Тидын нерген Марий Эл Правительствын пунчалжат савыкталтын. Тудым правительствын официал сайтыштыже вераҥдыме.
Документ дене келшышын, погыным эртарыме шотышто оргкомитет ышталтын. Тудым Марий Эл вуйлатыше Юрий Зайцев вуйлата. Марий Эл правительстве председательын икымше алмаштышыже М.Васютин ден тӱвыра, савыктыш да калык-влакын пашашт шотышто министр К.Иванов алмаштышыже-влак улыт.
Оргкомитет тенийысе 2 октябрь марте мероприятий радамым пеҥгыдемдышаш. Республикын финанс министерствыжлан погыным эртараш окса роскотым палемдаш кӱштымӧ.
Марий калык погын ныл ийлан ик гана эртаралтеш да тӱрлӧ кундемыште илыше марий-влакын делегатыштым чумыра. Икымше марий калык погын Упӧ губернийын Пӱрӧ олаштыже 1917 ийыште эртен.
С.Носова
