Кодшо кечылаште водительский удостоверениемын срокшо лектын. Но шукерте огыл колынам ыле, пуйто ынде тудым шуяш да вашталташ огыл гынат, лиеш. Тиде чынак мо?
Г.Смирнов
Параньга район
Тиде йодышлан МВД-н Марий Элысе кугыжаныш инспекций управленийыштыже тыге вашештеныт:
– Чынак, кӧн водительский удостоверенийжын срокшо 2022-шо да 2023 ийлаште пыта, тиде жап эше 3 ийлан шуялтеш. Тыгай пунчалым Россий Федерацийын правительствыже 2022 ийыште 9 апрельыште луктын. Тудо тений 12 апрельыште вийыш пурен.
Ынде тыгай йӧнлан шке кӱлешыштлан, тыгак паша верыштышт але предприниматель семын ыштыме годым транспорт средства дене пайдаланыше-влак эҥертен кертыт. Пунчал дене келшышын, водительский удостоверенийын срокшо лектеш гынат, кум ий жапыште тудым вашталташ кӱлешлык уке. Тиде автоматически ышталтеш.
Л.Камалетдинова
