КРИМИНАЛ

Вашлияш йӧн чылаштлан пуалтын огыл

Кодшо кечылаште 6-шо №-ан пеҥгыде режиман исправительный колонийыште судитлыме-влакын родо-тукымыштлан «Почмо омса кече» эртен.

Тиде гана учрежденийыште эн сайлан шотлалтше отрядын осужденныйжо-шамычлан, а нуныжо кудлын улыт, веле лишыл еҥышт дене вашлияш йӧным пуэныт. Кӧлан дисциплине шотышто шижтарымаш ышталтын огыл, тыгак моло шотыштат шкенжым сай велым ончыктен гын веле тыгай еҥ ты кечын родыжо, лишыл еҥже дене вашлийын але телефон дене мутланен кертын.

Толшо кажне еҥлан учрежденийын пашаеҥже-влак колонийыште шкем кузе кучаш кӱлмӧ нерген умылтареныт, вара кумдык мучко экскурсийым эртареныт. Тыге нуно промышленный зонышто, кочмыверыште, кевытыште лийыныт.

Вашлиймаш осужденный-влакын чумырымо «Экспромт» ВИА-н изирак концертше да чай йӱмаш дене мучашлалтын, палдара ФСИН-ын Марий Элысе управленийжын пресс-службыжо.

Л.Камалетдинова

Опубликовать в Одноклассники

Добавить комментарий