Медведево
Уэмденыт, олмыктеныт
Медведево районышто Шойбулак – Купсола – Курыкнур автомобиль корным олмыктен пытарыме.
Тысе 4,6 километр кутышан участкыште пашам «Тиса» ООО подряд организаций шуктен. Специалист-влак корно шартышым уэмденыт, вӱд йоген кайыме вич пучым олмыктеныт, автобус чарналтыме верым тӧрленыт. Кудалышташ лӱдыкшыдымӧ лийже манын, корно шӧрым пеҥгыдемденыт, разметкым ыштеныт.
Сай качестван корно – тиде асфальт шартыш гына огыл, тыгак кӱлешан объектла деке писын да лӱдыкшӧ деч посна миен толаш йӧн. Верыште илыше-влаклан тыгай объектла деке кайыме корныжо тидак веле. Шойбулак селаште участковый эмлымвер, школ, йочасад, кочкыш сату кевыт да молат верланеныт. Тылеч посна тушеч Вӱтла кундемысе Р-176 федерал трассе деке корно эрта.
2019-2026 ийлаште нацпроект-влак кӱшеш Медведево районышто 70 утла процент регионал корным кызытсе стандартлан келшышын шотыш кондымо. Пашам сайын ыштымылан кӧра тора изирак яллашкат корным саемдаш йӧн лектын. Районышто тений гына 13 километр корным тӧрлымӧ.
Юрий ИСАКОВ.
Снимкыште: Шойбулак – Купсола – Курыкнур корно олмыктымо деч ончыч да вара.
Фотом «Марийскавтодор» ГКУ деч налме.
