30 апрельыште, Пожарный охранын профессионал кечынже, регион вуйлатыше Юрий Зайцев тулпатыр-влаклан пожарный-утарыше у технике деч сравочым кучыктен.
Республикысе пожар охране у автоцистерне, специализироватлыме автомобиль-влак, моторан пуш, телевизоран, фото да видеокамеран пилотдымо авиаций системе дене пойдаралтын.
Регион вуйлатыше, профессионал пайрем дене саламлышыла, тулпатыр-шамычлан Марий кундемысе калыкнан да илем-влакын лӱдымылыкыштлан вуйын шогымыштлан, шке долгыштлан ӱшанле, кӱкшӧ профессионал улмыштлан тауштен. Таче республикыште ик стройышто Россий МЧС-ын пожар ваштареш кучедалме службышто да регионын пожар ваштареш кучедалме кугыжаныш службыштыжо 1800 пашаеҥ тырша.
Юрий Зайцев у техникым ончен лекмеке, Воскресенский паркыште «Пожарный ден утарыше-влаклан» памятник воктеке пеледышым пыштен.
Оласе калыклан ты кечын тематический площадке-влак пашам ыштеныт. Пожарно-утарыме спорт дене спортсмен-влак выступатленыт, оборудований ончер эртен, полевой кухньо пашам ыштен. Тыгак кызытсе да раритетный пожарный-утарыше технике дене автопробег лийын.
Марий Эл вуйлатышын пресс-службыжын уверже негызеш Светлана Носова ямыдылен
