УВЕР ЙОГЫН

У ий салам: СОВЕТСКИЙ

Пашам ончычсо семынак ыштена, кугу вашталтыш уке – колхоз ден кресаньык озанлык-влаклан тракторлык шапаш ужашым конден ужалена. Но налше ешаралтын, шапаш ужашат шукемын. «Тракторлык шапаш ужаш» кевытыштына кок отдел уло. Иктыштыже изирак, весыштыже кугурак куатан тракторлык шапаш ужашым темлена. Советский посёлкысо ты кевытлан Леонид эргым вуйын шога гын, У Торъял посёлкысылан – Алексей эргым. Кокымшыштыжат паша сайын кая.

Шушаш ийыште пашам тыгак тыршен ышташ шонена. Технике вашталтеш, шапаш ужашат уэмеш. Сандене йодмаш кушкеш. Шошылан кызытак заказым ыштат. Мыланнат писын тарванылде ок лий, вет ага паша вашеш озанлык-влак техникым ондакак ямдылаш тӱҥалыт. Ме тидлан ямде лийшаш улына.

Чыла клиентнам шушаш У ий дене, у пиал дене саламлена! Озанлык-влакын пашашт ушнен толжо, шошо агалан сайын ямдылалтышт. А ме нунылан эреак полшен шогаш тӱҥалына. Таза лийышт – кызытсе илышыште тиде ик эн тӱҥ тыланымаш.

В.Л.Смирнов,

индивидуальный предприниматель

Опубликовать в Одноклассники

Добавить комментарий