Тыланда – полыш кидна
Йошкар-Оласе школлаште Донецк ден Луганск калык республикыла гыч беженец-влаклан гуманитарный полышым погымо пункт-влак пашам ыштат.
«Порылыкын чекше уке» – рӱдолан 20-шо номеран кыдалаш общеобразовательный организацийыштыже тудо тыгай девиз дене эртен. 25 февраль гыч 2 март марте тунемше-влак канцеляр сатум, йоча книгам, тетрадьым, альбомым да молымат конденыт. Чылаже акций жапыште 2015 кӱлешан сатум погымо.
Йошкар-Оласе 2-шо №-ан школышто поро кумылан тыгаяк пашам школ директорын алмаштышыже Т.Гребневан вуйлатымыж почеш, 10-шо «А» классын волонтёржо-влак эртареныт. Йоча-влак чумыр налмаште чылаже 911 канцеляр сатум да молымат погеныт.
Каласыман, тыгай акций таче республикын кажне гаяк тунемме верыштыже эрта.
Г.Кожевникова
