«Марий Эл» газет редакцийнан тӱвыра йодыш дене редакторжо Алевтина Байкова регион-влак кокласе «Тувыремже пеш мотор» («Красив мой наряд») онлайн-конкурсын «Йӱлам пагалыше» номинацийыштыже I верым сеҥен налын.
Фотографий конкурсым Республикысе марий тӱвыра рӱдер ден Российысе марий-влакын федерал национально-культур автономийышт эртареныт. Мероприятий Российыште илыше калык-влакын тӱвыра поянлык идалыкшылан да тӱнямбал тӱп калык-шамычын пайремыштым палемдымылан лу ий теммылан пӧлеклалтын. Тӱҥ шонымашыже – самырык тукымым марий йӱлалан эҥертен кушташ, шочмо калыкын ойыртемжым тудын вургемже гоч ончыктымаш.
Конкурсыш пурышо пашам кум номинаций почеш акленыт: «Тошто вургемлан – кызытсе тӱсым», «Йӱлам пагалыше» да «Вучыдымо сӱрет». Тидын деч посна «Артистизмлан», «Калык усталыклан», «Кумыл» да «Ончыкылык ӱшан» посна номинаций-влак лийыныт.
Чылаже 88 фотопаша пурен. Участник-влак Марий Эл, Татарстан, Башкортостан республикла, Свердловск ден Тюмень областьла, Хант-Мансий автономный округ гыч лийыныт. Конкурсант-шамычын пашаштым акленыт: «Марий Эл» газет редакцийын фотокорреспондентше Михаил Скобелев, Республикысе марий тӱвыра рӱдерым вуйлатышын алмаштышыже Василий Петров да тиде рӱдерынак общественность дене кыл шотышто пӧлкам вуйлатыше, Россий журналист ушемын еҥже Раисия Николаева. Икымше-кумшо верла дене теве кӧмыт палемдалтыныт:
«Тошто вургемлан – кызытсе тӱсым» номинаций
I вер – Надежда Мишина (Звенигово районысо Какшамарий каныме да тӱвыра рӱдер);
II вер – Марина Ярикова (У Торъял интернат-школ), Марина Сташкина (Свердловск областьысе Ачит ола округ, Марий Карши школ);
III вер – Карина Савинова (Звенигово районысо Эсмекплак тӱвыра да каныме рӱдер), Алевтина Шулепова (Шернур районысо Сердыж каныме да тӱвыра рӱдер).
«Йӱлам пагалыше» номинаций
I вер – Алевтина Байкова (Йошкар-Ола);
II вер – Ольга Фёдорова (И.С.Палантай лӱмеш тӱвыра да сымыктыш колледжын Сымыктыш национальный гимназий), Мария Николаева (Звенигово район Шолэҥерысе «Родничок» йочасад);
III вер – «Затейники» подготовительный группыш коштшо йоча-влак (У Торъялысе «Солнышко» йочасад), Ксения Григорьева (Звенигово районысо Каныме да тӱвыра рӱдерын Чакмарийысе «МЕЧТА» филиалже);
«Вучыдымо сӱрет» номинаций
I вер – Марианна Суарметова (Татарстанысе Актаныш район Йӱштӧ Памаш школ);
II вер – Раиса Капитонова (Курыкмарий район Шындырйал Тӱвыра пӧрт), Ольга Петрова (Килемар районысо Церкысола каныме да тӱвыра рӱдер);
III вер – Любовь Пакалина (Звениговог район Кожласоласе «Теремок» йочасад), Наталья Ялитова (Сургут ола).
Посна номинацийлаште пӧлек дене палемдалтыныт:
«Артистизмлан» – Татьяна Смородинова (Йошкар-Оласе 38-ше №-ан йочасад);
«Калык усталыклан» – Надежда Токмурзина (Одо кундем Карагӧл район Ныргындыш тӱвыра пӧрт);
«Кумыл» – Валентина Краснова (Звенигово районысо Эсмекплак каныме да тӱвыра рӱдерым вуйлатыше);
«Ончыкылык ӱшан» – Татьяна Васильева (Звенигово районысо Каныме да тӱвыра рӱдерын Чакмарийысе «МЕЧТА» филиалже).
Г.Кожевникова
Снимкыште: Алевтина Байкован конкурслык пашаже: Татарстан Республикысе Кукмор район Уял школышто.
