Таче Марий Элыште «Идалыкын туныктышыжо-2025», «Идалыкын воспитательже — 2025», «Марий йылмым эн сайын туныктышо -2025» да «Шӱмем йоча-влаклан пуэм» профессионал мастарлык конкурс-влак тӱҥалыныт.
17 апрель марте участник-влак Медведево район Руэм школышто да Руэм посёлкысо «Лесная сказка» йочасадыште мастарлыкым ончыктат. Ты гана чылаже 55 туныктышо ден педагог таҥаса, нунын кокла 7-ше — марий йылмым туныктышо.
Конкурсант-влак мастер-классым, урокым, йоча да ача-ава-влаклан мероприятийым, «Класс шагатым» эртарат. Мучашлан «йыргешке» ӱстел лиеш.Сеҥыше-влакым 17 апрельыште увертарат да саламлат.
Фотом Марий Эл Образований да науко министерствын соцкылысе лаштыкше гыч налме
