20 майыште Йошкар-Оласе тоштерлаш йӱдымат мияш лиеш.
«Йӱд тоштер» акций ты кечын эрта да Тоштер-влакын тӱнямбал кечыштлан пӧлеклалтеш. Акцийын тӱҥ шонымашыже – «Историй да историй-влак». Рӱдоласе тоштер-влакын пашаеҥышт оҥай программым ямдыленыт. Мутлан, Изобразительный сымыктыш тоштер куд шагат кастене «Кугу Юл» перфоманс дене почылтеш. «Виктория» йоча театр музыкальный спектакльым ямдылен. Интарактивный модыш, тӱрлӧ мастар-класс, фотозоно пашам ышташ тӱҥалыт, сӱретче-влак портретдам сӱретлен пуат…
Калыкле художественный галереят «Галерея» студийын паша ончерже дене касым тӱҥалеш. Куштымаш номер-влак, йоча спектакль, тӱрлӧ мастар- класс, лӱмлӧ еҥ-влак дене вашлиймаш, рок-группын выступленийже – самырык-влаклан веле огыл чылажат келшышаш.
Моло тошерыштат кумылым нӧлташ, жапым пайдалын эртараш, еш дене пырля лияш йӧным почшо программышт ямде. А теве оласе историй тоштер пелен пашам ыштыше Турист-увер рӱдер гын, ола мучко троллейбус экскурсийым ямдылен. Тудо Сеҥымашын XXX лӱмеш тӱвыра полат дечын («Мир тканей» кевыт) 18 шагат кастене тӱҥалеш да олан рӱдыжӧ, исторический, эҥерӱмбал, вокзал кумдыкшо гоч эрта. Экскурсовод рӱдоланан историйже, уремже, предприятийже, лӱмлӧ еҥже-влак дене палдараш тӱҥалеш.
С.Носова
