Пайрем дене!
Тамле, тутло да пайдале
Мемнан продукцийна ӱмаште октябрьыште «Шӧртньӧ шыже – 2024» Россий выставкыште шым шӧртньӧ медальым, декабрьыште «Российысе эн сай 100 сату» конкурсышто кок лауреат да латныл дипломант лӱмым, тений февральыште ПродЭкспо – 2025 тӱнямбал конкурсышто вич шӧртньӧ медальым сеҥен налын. Тидыже сатунан сай качестван улмыж нерген ойла.
Ме шкенан озанлыкла деч налме кум тӱрлӧ – ушкал, каза, шорык – шӧр гыч сырым да шӧр-торыкым веле огыл, тыгак кондитер изделийым да косметикым ямдылена. Пайрем вашеш ӱдырамаш-влаклан тутло кочкышым веле огыл, тыгак пайдале косметикынам темлена. Мемнан продукцийнам йӧратымыда пашаче ешнам утларак тыршен ышташ тарата. Адакше тушто утларакше ӱдырамаш-влакак ты сомылым шуктат.
Пагалыме ӱдырамаш-влак, тӱнямбал пайремда дене уло кумылын саламлена! Тендан пашада, кумылда да тыршымыда тӱнянам эшеат сайракым ыштат. Пашаште те шкендан мастарлыкдам, ешыште йӧратымашдам да шокшыдам пуэда. Да тиде кок сфере коклаште ваш умылымаш кылым муын моштеда, тыге чыланнам кумылаҥдеда. Тек кажне кече тыланда куаным гына конда!
Сергей ЧЕРНЫХ,
«Шернур сырзавод» ЗАО-н директоржо.
Снимкыште: тыланда – мемнан косметикына.
Предприятий деч налме фото.
Мужыр лаштыкым Юрий ИСАКОВ ямдылен.
