10 мартыште Марий Элым вуйлатыше Александр Евстифеев Килемар посёлкысо Пушкин уремыште напорный манме канализаций коллекторым олмыкташ правительствын резерв фондшо гыч 16 миллионат 891 тӱжем теҥгем ойырен.
Тиде средства тӧрсырым кораҥдаш веле огыл, тыгак райрӱдыштӧ экологий сӱретым саемдаш полшышаш.
Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен
