5 апрельыште Оршанке район Кӧрдӧ ялыште сонарзе пий урлык-влакын ончерышт лиеш.
Тудым республикысе Сонарзе ден пийым кучышо-влакын обществышт эртара. Организатор-влакын ончылгоч шижтарымышт почеш, тушко ветеринар правил дене келшышын прививкым ыштыме пий-влакым гына намияш лиеш. Участник-влакын регистрацийышт 8 гыч 10 шагат марте эрта.
Моло ийысе тыгаяк таҥасымашым ончалаш гын, каласаш лиеш, тушко Марий Эл гыч веле огыл, пошкудо регионла ден кугурак олала гычат участник-влак толыт.
Светлана Носова
Фотом Марий Элын Янлык тӱня департаментшын воткыл лаштыкше гыч налме.
