Лифт дене кайыме годым илышлан лӱдыкшӧ улмо годым кушко вуйым шийман?
И.Саврасов.
Йошкар-Ола
Йодышлан Марий Эл Республикын исправительный учрежденийлаштыже закон-влакым шуктымым тергыме шотышто Йошкар-Оласе прокурорын пашажым шуктышо Л. Букареева вашештен:
– 2019 ийыште РФ-н «Административный правам пудыртымо нерген» кодексыш у статья пурталтын. Тудын почеш лифт дене лӱдыкшӧ деч посна пайдаланыме шотышто тудым эксплуатироватлыше организацийлан правилым шуктыдымылан административно мут кучаш логалеш: должностной лицалан штраф 2-5 тӱжем теҥге, юридическийлан – 20 гыч 40 тӱжем теҥге марте. Лифт дене кайымыж годым айдемылан эҥгек ышталтын але аварий лийын гын, административный наказаний эшеат чоткыдемеш. Тидын годым лифт дене кайышеже шкеже лифт дене пайдаланыме правилым пудыртен, але лифтым олмыктышо, обслуживатлыше еҥ техникым шотыш налын огыл, тунам нунымат административно мут кучаш шогалтен кертыт. Административный правам пудыртымаш нерген протоколым Ростехнадзорын должностной лицаже-влак возат.
