2022 ийыште образований сферыште школ системым уэмден вияҥдыме инноваций программым илышыш пурташ тӱҥалме. Тиде паша 2026 ий марте шуйна. Тудын дене келшышын, республикыште улшо чыла общеобразовательный организаций гыч 20 процентшым капитально олмыкташ палемдыме.
Программын тӱҥ шонымашыже – школ-шамычым у кӱкшытыш кусараш: уэмден олмыкташ, материально-технический базыштым пеҥгыдемдаш да тыгак педагог-влакын квалификацийыштым нӧлталаш.
2022 ийыште республикысе куд школым капитально олмыкташ 378,6 миллион теҥге ойыралтеш: кокытым Параньга районышто, кумытым Шернур кундемыште, иктым Медведево районышто). 2023 ийыште ты паша (96,9 миллион теҥге ойыралтеш) кок общеобразовательный организацийыште (Иктыже Шернур районышто, а весыже – Юрино велне) ышталтшаш.
Россий Федераций Просвещений министерствын кӱштымашыже почеш, кажне школ у оборудованийла дене пойдаралтшаш, тидлан 6,6 миллион теҥге ойыралтеш.
2023 ийлан капитально олмыкташ объект-шамыч эше ешаралтыт.
Палемдыме программын обязательный условийже – тиде паша ача-ава-влакын контрольышто лийшаш. Кызытеш Марий Эл Образований да науко министерствын Общественный советше пеленысе Ача-ава-влакын общественный контроль шотышто штабыштышт дене дизайн-проект-шамыч шотышто каҥашымаш-влак эртат.
Г.Кожевникова
