Тений кудымшо гана эртаралтше «Пырля экзаменым кучена. Ача-ава-влаклан ЕГЭ» акций 15 апрель марте шуйна. Республикыште икымше тыгай мероприятий 2 апрельыште Йошкар-Оласе 11-ше №-ан лицейыште лийын.
Акцийыш 40 утла участник ушнен. Ача-ава, тыгак СМИ-н еҥже-влак дене пырля ты кечын парт коклаш математике дене шинчымашым тергаш Марий Эл образований да науко министр Л.Ревуцкая, социальный вияҥмаш министрын алмаштыштыже А.Лихачев, МОСИ-н ректоржо И.Загайнов, ПГТУ-н университет комплексын вияҥмыже шотышто проректор А.Роженцов, МарНИИЯЛИ вуйлатышын шанче паша шотышто алмаштышыже Л.Григорьева да молат шинчыныт.
Г.Кожевникова
