Москваште «Школ лиге-влакын лекторышт» Россий кӱкшытан просветитель конкурсышто сеҥыше 20 еҥым саламленыт. Нунын радамыште – Звенигово оласе 2-шо №-ан школын выпускникше Данила Морозов. Тудлан наградым Россий Федераций президентын администрацийжым вуйлатышын икымше алмаштышыже Сергей Кириенко кучыктен.
Конкурсышто рвезе Кугу Отечественный сарыште лийше Сталинград кредалмаш дене кылдалтше лекцийым эртарен. Тудын тӱҥ наставникше Нижний Тагил кугыжаныш социально-педагогический институтышто педагогике да психологий кафедрын доцентше, педагогике науко доктор Станислав Луткин лийын.
Данилам «Знание» Россий обществын лекторжо» званий дене палемденыт, тыгак тудлан «Путешествий деч кугу» программе почеш вес кундемлам ужын кошташ сертификатым, шунгит гыч шарнымашан кубым кучыктеныт.
Г.Кожевникова
Фотом Марий Эл Образований да науко министерстын сайтше гыч налме
