Марий Эл Образований да науко министерствын увертарымыж почеш, 15-17 апрельыште республикна «Сеҥымашын инженерже-влак» тӱнямбал проектын эстафетышкыже ушна.
Тудын тӱҥ шонымашыже – Кугу Отечественный сар жапыште совет инженер, конструктор, разработчик, тыгак науко организаций ден промышленный предприятийлан пашаче ешыштын подвигышт дене палдараш.
Эстафетын школлаште тунемше да самырык педагог-влаклан 15 апрельыште М.В.Ломоносов лӱмеш лицейыште тӱҥалеш. Лектор семын тушко «ЗПП» АО-н, республикысе Кугыжаныш архивын пашаенже-влакым ӱжыныт.
16 апрельыште Марий радиомеханический техникумышто эстафете умбакыже шуйна. Тушто «ММЗ» АО-н пашаеҥже-влак, тыгак Марий Эл образований да науко министрын алмаштышыже Валентина Гаврилова лекцийыштым колышташ йӧн лиеш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
