Кугу Отечественный сар нерген шинчымашдам тергынеда гын, тидым «Ростелеком. Лицей» платформышто ыштен кертыда.
Ты платформышто вераҥдыме чыла материалым тичмашнек 11 март гыч ончаш лиеш. «Диктант Победы» ужашыште 25 апрельыште эртышаш акцийлан сайын ямдылалташ лиеш.
— диктантпобеды.рф. сайтыште кызыт тергыме тестым возаш йӧн уло. Нуным кажне кок арня уэмдат. «Ростелеком. Лицей» платформо «Сеҥымаш диктантлан» ямдылалташ полша, — каласен «Единый Россий» партийын «Историческая память» проектшын федеральный координаторжо, партийын Рӱдӧ исполкомжым вуйлатыше Александр Сидякин.
«Ростелеком. Лицей» платформышто «Сеҥымаш диктантлан» ямдылалтме материал-влакым школышто тунемеш ден ача-ава-влак 15 май марте ончен кертыт.
— Ме, «Ростелекомышто» ыштыше-влак, элнан историйжым арален кодымашке, «Сеҥымаш диктантым» возымашке надырым пыштен кертмына дене кугешнена, — манын «Ростелекомысо» перспективный ден партнёр продуктым ямдылыше офисын директоржо Александр Ряховский.
Ушештарена, «Единый Россий» партий 25 апрельыште «Сеҥымаш диктант» тӱнямбал акцийым элна мучко веле огыл, тыгак 80 элыште эртара. Тений икымше гана тиде акцийыш «Защитники Отечества» фонд ушна. Тудын регионласе филиаллаштыже диктантым возаш тӱҥалыт.
2024 ийыште историй тестым англичан, француз, испан, поляк, серб, монгол, китай, грек йылмылаш кусареныт. Текстын онлайн-версийжым англичан ден китай йылмыш кусареныт.
