7 июньышто Советский посёлкышто самырык усталык коллектив-влакын «Тукымвож йоҥгалтыш» VII республиканский фестивальышт лиеш.
Тушко ӱдыр-рвезе-влакым ушышо фольклор, мурышо да куштышо, вокальный, семӱзгарым шоктышо ансамбль-влак чумыргат. Фестиваль кышкарыште кидмастар-влакын ончер-ярмиҥгашт, «Эн сай самырык усталык коллектив», «Марий кудо», гармонист-влакын конкурсышт эртат. Мероприятийым Советский районысо тӱвыра пӧлка республикын Тӱвыра, савыктыш да калык-влакын пашашт шотышто министерствыжын, Калык усталык рӱдерын полшымышт дене эртара.
Снимкыште: кодшо ийын эртарыме фестиваль годым.
Фотом республикысе Калык усталык рӱдерын воткыл лаштыкше гыч налме.
