Марий Элыште самырык-влаклан воспитанийым пуаш ик кумдыкым ыштыме шотышто каҥашымаш лийын.
Тидын шотышто республикым вуйлатыше Юрий Зайцев Йоча да молодёжьын «Икымше-влакын толкынышт» мер-кугыжаныш толкын дене вашкылым ыштыме шотышто Координационный советын заседанийжым эртарен. Организаций ончылно кугу задаче – школышто тунемше ден студент-влаклан воспитанийым пуымо ик кумдыкым ышташ. Икымше-влакын толкыныштым вияҥдыме шотышто Эскерыше советым Россий Федерацийын президентше Владимир Путин вуйлата.
Заседанийыште Икымше-влакын толкыныштын правленийыштым председательже Ксения Янова видеокыл йӧн дене мемнан регионысо пӧлкан вияҥмым сай могырым палемден да республикын правительствыжлан тауштен.
«Марий Элыште таче 301 первичный пӧлка пашам ышта, тудо 50 утла участникым уша. Чолга еҥ-влак шукем толыт», – вашлиймаш годым палемден республикым вуйлатыше.
Регионыштына молодёжь организаций кушкын толшо тукымым экологий, патриотизм, усталык, кундемым тӱзатыме, СВО- участникше-влаклан полышым пуымо дене кылдалтше да кӱлешан моло проектлаш уша.
Заседанийыште 2025 ийлан паша планым каҥашеныт. Лишыл жапыште «Ме – Российын гражданинже улына» программылан старт пуалтеш, тыгак «Зарница 2.0» модышым эртараш палемдыме.
Марий Элым вуйлатышын пресс-службыжын уверже негызеш Галина Кожевникова ямдылен
Денис Речкинын фотожо
