Йошкар-Оласе калык-прикладной тоштерыште «Салтак солык» радынам ончыктат.
Ойыртемалтше экспонатым тоштерышке 2015 ий майыште конденыт. Шкешотан радынам кум тӱсан куэм гыч ургымо. Кажнышкыже келге шонымаш шыҥдаралтын.
Йошкар тӱс — кредалмаште вуйым пыштыше-влакым шарныме лӱмеш;
Ошо — увер деч посна йомшо салтак-влакым шарныме лӱмеш;
Пелганде — сар деч вара илыш гыч кайыше элым аралыше-влакым шарныме лӱмеш.
Символ сынан радынам ыштымаште 58 еҥ тыршен. Еш архивым шымлен, боец-влакын пӱрымашыштым рашемден, 49 рушникым тӱрленыт. Чыла пашам вара ик кугу радынаш ушымо.
Экспонатым тоштерыште 7-8 майыште патриот шӱлышан программыште ужаш лиеш. Тудо 10 шагатлан тӱҥалеш. Яра пуртат. Мийыше-шамыч тыгак пайрем открыткым ыштыме мастарлык классыш ушнен кертыт.
Фотом тоштерын воткыл лаштыкше гыч налме.
