Тыгай конкурсышто Марий Эл гыч ӱдыр-рвезе-влакат лауреат лӱмым налыныт.
Конкурс ий еда тӱвыра да искусство аланысе тунемме организацийыште мастарлыкым шуарыше да кугу кӱкшытыш шушо 13-19 ияш тунемше ден студент-влак коклаште эртаралтеш. Тений кум тур лийын, финалже 11-30 июньышто эртен.
Мемнан республик гыч теве нуно сеҥыше радамыш лектыныт:
— Максим Антонов, Кужэҥер йоча сымыктыш школышто тунемше (баян) – 2-шо вер;
— Эстай Веткин, И.С.Палантай лӱмеш тӱвыра да сымыктыш колледжын Национальный искусство гимназийжын тунемшыже (кларнет) – 2-шо вер;
— Кристина Вырыпаева, И.С.Палантай лӱмеш тӱвыра да сымыктыш колледжын студенткыже (виолончель) – 3-шо вер;
— Софья Дмитриева, И.С.Палантай лӱмеш тӱвыра да сымыктыш колледжын студенткыже (балет) – 3-шо вер;
— Ульяна Лебедева, Йошкар-Оласе художественный училищын студенткыже – 3-шо вер.
А.Байкова
Фотом республикын Тӱвыра, савыктыш да
калык-влакын пашашт шотышто
министерствын сайтше гыч налме
