Пагалыме мемнам лудшо, ончышо йолташна, журналист коллегына-шамыч!
Тиде куштылго огыл пагытыште украин медиа-влак электрон почто, соцкыл лаштыкла гоч мыланна тӱрлӧ йодмашым колтен шогат. Нуно моткоч ӱшандарынешт, пуйто Россий Украина ӱмбаке кержалтын, пуйто тушто тӱжем дене мемнан военнослужащий-шамычна колат, пуйто шке элыштын ончыкылыкшо верч лӱдын, тыглай еҥ-влак подваллаште шылын шинчат. Тиде чын огыл! Мемнан кочана-влак, мемнан эл 45-ше ийыште нацизмым сеҥен кертын, кызытат тыгак лиеш!
Меат тендан деч йодына, ятыр ий дене мыланна ӱшаныше, мемнам лудшо, ончышо, колыштшо йолташна-шамыч! Тачат тендам лач мыланна, эреак чын уверым пуэн шогышо республикысе, олаласе да районласе газет-влаклан, регионысо телевидений да радиолан гына ӱшанаш ӱжына.