Вӱрзым оласе С.М.Киров лӱмеш краеведений тоштерыште Виче кундемысе марий-влакын ушемыштлан 15 ий, «Уржум вел» фольклор ансамбльлан 10 ий теммыштлан пӧлеклалтше пайрем кас эртен.
Тушко Киров велысе усталык коллектив, марий мер толкынын чолга мер пашаеҥже-влак погыненыт. Марий Эл гыч Мер Каҥаш вуйлатыше, Оньыжа Эдуард Александров ден оналмаш Валерий Мочаев миеныт. Пайремыште шуко саламлымаш йоҥген, пӧлекым кучыктеныт.
«Уржум вел» ансамбльым чолга марий ӱдырамаш Алевтина Курочкина вуйлата.
С.Носова
Снимкыште: пайрем годым.
Фотом А.Курочкинан воткыл лаштыкше гыч налме
