КУЧЕМЫШТЕ УВЕР ЙОГЫН

Просветительстве уэш ылыжын

Кучемыште

Марий Эл вуйлатыше Юрий Зайцев «Знание» Россий обществын Марий региональный отделенийжын Эскерыше (наблюдательный) советшын заседанийжым эртарен. Заседанийыште кодшо ийысе пашам иктешленыт.

Марий региональный отделенийын Эскерыше советшым 2023 ий августышто чумырымо. Чылаже 300 лектор шотлалтеш, нунын коклаште республик правительствын представительже да тӱрлӧ сферыште тыршыше авторитетан мер деятель-влак улыт.

«Марий Элысе кугыжаныш кучем, верысе самоуправлений органла, общественный объединений да шинчымашым пуышо организаций-влак «Знание» Россий общество дене чак кылдалтын пашам ыштат. Эртарыме мероприятий-влак элнан сеҥымашыжым, науко ден культурыжым, самырык-влакым патриот шӱлышеш куштымым кумдан палдарымашке виктаралтыныт. А федеральный конкурс-влак сотемдарыше пашам наҥгаен шогышо эн чолга да уста еҥ-влакым муаш да нунылан полшаш йӧным ыштат», – палемден Юрий Зайцев.

Просветительский организацийлам регионлаште вияҥдыме шотышто генеральный директорын алмаштышыже Георгий Будный:

– 2023 ийыште республикын вуйлатышыже Юрий Викторович Зайцевын вуйлатымыж дене ме филиалын Эскерыше советшым ыштенна. Тений февральыште республикын правительствыж дене пашам пырля ыштыме нерген соглашениеш кидпалым пыштенна.

«Знание» Россий обществым Юл кундем федеральный округышто вияҥдыме шотышто управленийын руководительже Дмитрий Травкин палемден: «Знание» обществе 2025-2030 ийлан палемдыме икмыняр национальный проектым, нунын коклаште –  «Молодёжь да йоча-влак», «Кадр» – шукташ тӱҥалеш. Обществын ойырен налме ик корныжо (трекше) – регионласе молодёжь тунемже, пашам ыштыже, шочмо верыштыже кодын, тудым сӧрастарыже да вияҥдыже.

«Знание» Россий обществын Марий региональный отделенийжын председательже, Марий кугыжаныш университетын ректоржо Михаил Швецов 2024 ийын икымше пелийыштыже ыштыме паша нерген каласкален. 2023 ийыште 444 сотемдарыше мероприятийым эртарыме (чылаже 13 тӱжем еҥым авалтыме), тений куд тылзе жапыште – 241-ым (6778 еҥ).

Марий Эл правительстве вуйлатышын икымше алмаштышыже Евгений Кузьмин Эскерыше советын еҥже-влаклан «Знание» обществын квартал еда эртарыме просветительстве шӱлышан мероприятийлашке ушнаш темлен.

Марий Эл вуйлатыше Юрий Зайцев тауштымо серышым Юлтех университетын философий кафедржын доцентше Антон Богдановлан, Марий кугыжаныш университетын патриотический воспитаний рӱдерын начальникше, ректоратын советникше Петр Бусыгинлан, тиде университетынак прикладной статистике да цифровой технологий кафедржын доцентше Марина Казаковцевалан, всеобщий историй кафедрын доцентше Елена Лежниналан кучыктен.

Марий Эл Республикым вуйлатышын  пресс-службыжын уверже негызеш 

Л.СЕМЕНОВА ямдылен

Д.Речкинын фотожо

 

 

 

 

Опубликовать в Одноклассники

Добавить комментарий