Марий Эл правительстве кыдалаш профессионал образований учреждений-влакым капитально олмыкташ веле огыл, тыгак нине учрежденийлаште шинчымашым пуымо пашамат саемдаш шийвундым ойыра.
Тений икымше гана кажне тунемшылан учебник ден пособий-влакым налаш 1500 теҥге ойыралтеш. Тӱшка финансированийын кугытшо – 14 миллион теҥге. У тунемме ийлан 4000 учебник ден пособийым 4 миллион теҥгелан налыт.
Тыгак оксам организаций-влакым уэмдаш ойырат:
Коллелдж ден техникумлаште мастерской-влакым уемден саемдышашлан да брендироватлаш 300 миллион теҥгем;
«Профессионалитет» федерал проект кышкарыште транспорт ден строительный отрасльлаште образовательно-производственный рӱдер-влакым ышташ 30 миллионт теҥгем ойырат;
Аграрно-строительный техникумын актовый ден спорт залже-влакым капитально олмыкташ 17 миллион теҥгем.
Регион вуйлатыше Юрий Зайцевын шке Телеграмм-Каналыштыже серымыж почеш, тиде мере-влак туныктымо условийым саемдаш веле огыл, тыгак паша профессий-влакын престижыштым нӧлталаш, самырык-влаклан кӱлешан шинчымашым да сай образованийым налаш полшат.
