2025 ий 22 августышто Курыкмарий район Виловат ял шотан илем кундемысе Тышнал ялыште Сергей Кандишкинын фермер озанлыкше негызеш «Пакчасаска пасун кечыже 2025» регион кокласе 17-ше научно-практический семинар эртаралтеш.
Тудо шкенан элысе пареҥге да тыглай йыраҥыште ончен куштымо пакчасаска селекцийым вияҥдыме темылан пӧлеклалтеш. Тушко Российысе шанче организаций-влакын вӱдышӧ экспертше, селекционер, урлыкашым ыштен налше да ялозанлык техникым ямдылыше-влак погынат.
Нунылан у сорт пареҥгым да пакчасаскам куштымо кумдыкым ончыкташ тӱҥалыт, жаплан келшыше ялозанлык технике да кушкылым аралыме средства дене палдарат, тыгак отрасльысе профессионал-влак дене вашлияш, у технологий нерген раш умылен налаш лиеш.
