Марий Йӱштӧ Кугыза Чувашийыште эртыше национальный Йӱштӧ Кугыза-влакын «Чеверын, теле!» фестивальышкышт миен коштын.
Тудо «Ясна» этнокопмплексыште лийын. Тиде верак Хель Мучин – Чуваш Йӱштӧ Кугызан – илыме вержылан шотлалтеш. Мероприятийыш У ийын тӱҥ геройжо-влак веле огыл, тыгак нунын полышкалышышт погыненыт. Мутлан, Марий Йӱштӧ Кугыза дене пырля Лӱмӱдыр ден маска лийыныт.
Пайремын унаже-влак коклаште Мордовий гыч Якшамо Атя, Пошкырт гыч Кыш Бабай, Удмуртий гыч Тол Бабай лийыныт. Фестиваль пеш оҥайын эртен. Йӱштӧ Кугыза-влакын полшымышт дене юзо чодыра мучко коштын савырныме годым тӱрлӧ модышым, мастар-класс-влакым эртареныт, кож йырат пӧрдын мурен-куштеныт. Икманаш, теле дене веселан чеверласеныт.
С. Носова
