Ончыкылык салтак-влак таҥасеныт
Июль тӱҥалтыште Волжский район Пӧтъял кыдалаш школышто допризывник-влак коклаште эртыше таҥасымаште вийым тергыше рвезе-влакым торжественно вашлийыныт.
Лу рвезе 23-30 июньышто Ессентукиште призывник-шамыч коклаште эртыше таҥасымаште вийыштым тергеныт. Марий Элын чапшым Пӧтъял кыдалаш школ гыч А.Тимофеев, Н.Алексеев, Н.Иванов, Н.Мшаров, Д.Ямщиков, К.Афанасьев, В.Прокопьев, Н.Самарский, Шарача кыдалаш школ гыч Д.Купоров, Памар кыдалаш школ гыч Н.Малышев араленыт. Элнан тӱрлӧ кундемже гыч 41 команде таҥасен. Марий патыр-шамыч многоборьеште – 15-ше, а общий зачётышто 28-ше лийыныт, вет участник-влак эше автоматым рончен погымаште, строй дене ошкылмаште таҥасеныт. Куанен палемдыман: Антон Тимофеев 3 тӱжем метр кужытышто икымше верым налын.
Рвезе-влакым Пӧтъял тунемме рӱдерыште ОБЖ-ым туныктышо Ю.Сергеев ден физкультурым туныктышо А.Семёнов намиеныт. Чылштлан тау.
Е.Эшкинина.
