24-30 августышто Калуга олаште «Профессионал-влак» чемпионатын промышленный компетенцийже дене финал эртаралтеш.
«Пилотдыме юж судным виктарымаш да тудын дене пайдаланымаш» компетенцийыште Марий Элын чапшым Йошкар-Оласе технологий колледжын студентше Никита Коротков аралаш тӱҥалеш. Тудын наставникше – опытан эксперт Мария Набиуллина.
Участник-влак самолёт типан беспилотникым виктарыме мастарлыкым ончыктат.
Чемпионат «Молодёжь да йоча-влак» нацпроект почеш эртаралтеш.
Г.Кожевникова
Фотом Марий Эл СПО-н соцкылысе лаштыкше гыч налме
