ЕШ ДА ИКШЫВЕ СОЦИАЛ ИЛЫШ

Ончер ден тоштерлашке – ешге

2024 ий 1 июль гыч шуко шочшан еш-влак верысе ончер ден тоштерлашке тылзыште ик гана яра пурен кертыт. Келшыше пунчалым Марий Эл правительстве тений 14 июньышто луктын.  

Кугыжаныш тӧнеж-влакын эртарыме тӱлыман экскурсийышт социальный полыш радамыш ок пуро.

Ончерлашке ешгеат, шкетынат кошташ лиеш, но 14 ияш марте ийготан йоча пелен ача-ава але ийготыш шушо ешысе вес икшыве лийшаш.

Кугыжаныш тӧнеж-влак шуко шочшан еш-шамычлан экскурсийыш толаш лийме кечым шке палемдат. Тидлан лӱмынак кечым ойырат але ончылгоч возалташ йӧным ыштат.

Ешын шуко шочшан улмыжым пеҥгыдемдыше документ (удостоверений) лийшаш.

Тиде пунчал республикысе кугыжаныш тӧнеж-влакын организоватлыме коммерческий ончерлашкышт пураш правам огеш пу.

Пунчалын шукталтмыжым Марий Эл правительстве председательын алмаштышыже — тӱвыра, савыктыш да калык-влакын пашашт шотышто министр Константин Иванов эскера.

М.ИВАНОВА

 

Опубликовать в Одноклассники

Добавить комментарий