🥖🥨🥇Май мучаште «Кубок сельских пекарей России»- 2025″ всероссийский конкурс мучашлалтын. Семол агрохолдингыш пурышо «Хлебный дар» ООО — н ӱдырамаш-влакын командышт икымше верым налын!
🥐🏆Чылаже конкурсыш Российын 67 субъектше гыч 307 йодмаш пурен, финалыш 16 команде лектын. Марий Элын мастарже-влак ойыртемалтыныт да кубокын озаже лийыныт.
Кажне команде изделийым регламент почеш ямдылен, а жюри тамым веле огыл, тыгак техникым, пашан качествыжым да ямдылыме кочкышым оҥайын палдарымыжым, шкешотан презентацийжым аклен.
🎉«Хлебный дар» ООО-н пекарьже-влакын командышт мастарлыкыштлан да шке пашам йӧратымыштлан кӧра сеҥышыш лектын, сулен налме наградым налыныт!
📸Фотом «Семёновский» племзаводын воткыл лаштыкше гыч налме.
